TAMAÑO DO TEXTO
ALTO CONTRASTE (LUZ)
ALTO CONTRASTE (ESCURO)
FONTES ACCESIBLES
Asemblea de socios e socias 2025 -> Infórmate e participa

Finanzas Éticas

Todas as novidades sobre as finanzas éticas

Plan estratéxico 2025-2028 para unhas finanzas éticas de maior impacto

Plan estratéxico 2025-2028 para unhas finanzas éticas de maior impacto

Plan estratéxico 2025-2028 para unhas finanzas éticas de maior impacto

O Plan estratéxico 2025-2028 define os obxectivos e liñas de acción que guiarán o Grupo Banca Etica nos vindeiros catro anos.

En coherencia cos nosos valores de cooperativismo e mutualismo, a súa elaboración foi un proceso participativo no que interviñeron máis de 1000 persoas e organizacións socias por medio de 72 encontros e enquisas ás que responderon máis de 4000 socias e socios. Este enfoque reforza o noso compromiso cun modelo financeiro transparente, compartido e centrado no impacto social.

Cinco prioridades estratéxicas para impulsar o cambio

O Plan estratéxico establece cinco prioridades clave para consolidar un modelo de finanzas transformador e de impacto positivo:

  • Finanzas transformadoras

Apostamos por unha sustentabilidade integral que abranga o económico, social, ambiental e cultural. Para iso, impulsaremos alianzas novas que maximicen o impacto positivo nas persoas e o medio ambiente.

  • Crecemento do crédito nun 35 %

Nos vindeiros catro anos aumentaremos a nosa capacidade de financiamento para persoas e organizacións socias e clientas, consolidando as finanzas éticas como unha opción cada vez máis accesible e relevante.

  • Compromiso coa economía social

Reafirmamos o noso papel na economía social como ferramenta para reducir desigualdades e inxustizas. Ademais, innovaremos na oferta de servizos non-financeiros para seguir apoiando as nosas comunidades.

  • Eficiencia como principio reitor

Conforme recollen os nosos estatutos, a eficiencia será o criterio co que medir o alcance dos nosos obxectivos e garantir un impacto real na sociedade.

Cara a unha maior independencia

Coa absorción da xestión dos fondos de Etica SGR, avanzamos na construción dunha cadea de finanzas ética autosuficiente e independente.

Innovación e mellora nos servizos

A optimización dos nosos servizos é unha prioridade estratéxica. A implantación do novo Core Banking System halle permitir a Fiare Banca Etica operar con maior eficiencia, seguridade e produtividade. Así mesmo, exploraremos o potencial da intelixencia artificial, garantindo sempre o respecto dos principios de transparencia, ética e inclusión.

Un paso decisivo cara á autonomía do grupo

A adquisición de IMPACT SGR marcará un fito clave no futuro de Grupo Banca Etica. Esta operación permitiranos xestionar de forma autónoma os nosos fondos de investimento, reforzando a nosa identidade e ampliando a oferta de produtos dentro dunha «cadea 100 % ética».