En España, 170 000 persoas traballan no sector agrícola como eventuais. Destas, a maioría proveñen do leste de Europa e de África, e sobreviven con salarios baixos, incumprimentos na cotización á Seguridade Social e malas condicións de aloxamento, ademais de condicións físicas a miúdo extremas. A todas estas irregularidades súmase a inestabilidade; diríase que o primeiro sector se converteu até agora en sinónimo de traballo temporal e precariedade.
Como resposta a este modelo, en marzo de 2023 nace en Áraba Lanagro. A empresa constitúese co obxectivo de construír unha alternativa a esta estrutura disfuncional creando modelos novos: da temporalidade á estabilidade, da falta de formación á profesionalización, da exclusión á inclusión social. Esta mudanza non se formula unicamente como unha mellora para as traballadoras e os traballadores, senón que tamén se ten en conta o interese da industria agroalimentaria nos valores de produción.
Loitar contra a inestabilidade laboral
Aínda que a viticultura é o principal sector de traballo de Lanagro, tamén se traballa o cultivo da pera, e ofrécense ademais servizos de xardinaría e mantemento. Esta diversidade de servizos, sumada ás semanas de formación, permítelle ao cadro de persoal ter un volume de traballo continuo durante todo o ano, o que se traduce en contratos permanentes. Esta é a forma como o proxecto combate a inestabilidade; para algunhas das persoas empregadas, trátase do primeiro contrato da súa vida laboral.
Un maior benestar para un mellor rendemento
Aínda que o benestar das persoas traballadoras é o principio que rexe Lanagro, ofrecer unha mirada cara aos produtores agrícolas é imprescindible para o seu crecemento, así como para a extensión deste modelo. Dende a perspectiva da produción, un dos principais obstáculos ao que se enfronta o sector é a falta de persoal, e as malas condicións laborais son unha das causas máis sinaladas.
Por unha banda, as boas condicións laborais e contar con profesionais con formación e capacitación para empregar as mellores ferramentas comportan un mellor rendemento. Por outra, traballar coas mesmas persoas permite desenvolver relacións máis estreitas, depositar unha maior confianza e realizar unha mellor planificación.
O futuro da agricultura
O percorrido de Lanagro é curto, mais prometedor: recentemente foi recoñecido pola Deputación Foral de Áraba cun premio de innovación social. Ademais, o proxecto inspirou outras iniciativas similares, achegándose así ao seu principal obxectivo: demostrar que existen modelos de traballo funcionais no primeiro sector.
![](https://www.fiarebancaetica.coop/app/uploads/sites/2/2023/12/femarec-casi-tres-decadas-de-inclusion-sociolaboral.jpg)
Femarec, tres décadas de inclusión sociolaboral
06.03.2024
![](https://www.fiarebancaetica.coop/app/uploads/sites/2/2024/02/valdecorvi.png)
Vivenda colaborativa Valdecorvos
05.02.2024
![](https://www.fiarebancaetica.coop/app/uploads/sites/2/2024/01/topmanta-7.jpg)
Top Manta, moda solidaria pola loita antirracista
23.01.2024
![](https://www.fiarebancaetica.coop/app/uploads/sites/2/2024/01/69614c02-3bea-4047-a72e-07af5221c272_16-9-aspect-ratio_default_0.jpg)
Micromecenado para a esperanza: o barco de salvamento Aita Mari
19.01.2024
![](https://www.fiarebancaetica.coop/app/uploads/sites/2/2023/12/solidaridad-internacional-de-galicia.jpg)
Solidaridad Internacional de Galicia
28.12.2023
![](https://www.fiarebancaetica.coop/app/uploads/sites/2/2023/12/rexcatering-educar-concienciar-y-actuar-contra-el-desperdicio-alimentario.png)
Rexcatering: educar, concienciar e actuar contra o desperdicio alimentario
20.11.2023